Çfarë u diskutua në takimin e Ramës me Merz në Budva? Reagon zyra për shtyp e kancelarit gjerman

**Budva, heshtje nga Berlini për takimin Rama-Merz: “Fjalët e kancelarit flasin vetë”**

Asnjë detaj nga biseda mes Edi Ramës dhe Friedrich Merzit në Budva nuk ka dalë në dritë. Kancelaria gjermane nuk ka dhënë informacion mbi përmbajtjen e takimit dypalësh. Ngurruese ka qenë edhe për protestat që po mbahen në Shqipëri, për të cilat nuk ka shprehur një qëndrim të drejtpërdrejtë.

Kërkesa për informacion erdhi nga gazetarja e A2CNN, Fjorela Beleshi. Ajo pyeti se cilat çështje u diskutuan gjatë takimit dhe si e shikon Gjermania protestën.

Përgjigjja e një zëdhënësi të qeverisë gjermane ishte e shkurtër: sipas tij, fjalët e kancelarit flasin vetë.

“Fjalët e Kancelarit flasin vetë. Ju lutemi për mirëkuptimin tuaj, pasi, si parim, ne nuk komentojmë përmbajtjen e diskutimeve konfidenciale me krerët e tjerë të shteteve dhe të qeverive”, tha zëdhënësi i qeverisë.