“Çfarë ligësie dhe turpi”- Balla akuza Opozitës: Manipuloi me videon e nxënësve në Tuz për propagandë politike, kukullat e bufit Sali…

Kryetari i Grupit Parlamentar socialist, Taulant Balla, denoncuar me fjalë të forta përpjekjen e opozitës për të shfrytëzuar politikisht pamjet e një proteste nxënësish në Tuz të Malit të Zi. Në një deklaratë publike, ai e cilësoi këtë akt si "ligësi dhe turp", duke e lidhur direkt me opozitën shqiptare.

"Çfarë ligësie dhe turpi përdorimi nga kukullat e bufit Sali i videos së protestës së nxënësve të një shkolle në Tuz të Malit të Zi? Vaj medet opozita", është shprehur Balla.

Sipas kreut të grupit parlamentar, ngjarja në fjalë nuk ka asnjë lidhje me realitetin shqiptar. Prandaj, përdorimi i saj për ndërtimin e një narracioni politik tregon sipas tij dëshpërim dhe mungesë përgjegjësie nga ana e kundërshtarëve politikë. Balla nënvizoi se një manipulim i tillë është një veprim i papranueshëm.