Busti i Aleksandër Moisiut në Universitetin e Durrësit ngjall reagime të forta, ja si e shpjegon autori Sadik Spahija: Për këtë vepër jam…!

**Busti i Moisiut në Durrës, autori Sadik Spahija: Për këtë vepër jam krenar**

Busti i Aleksandër Moisiut, i vendosur në Universitetin e Durrësit, ka nxitur një valë të gjerë debati. Gjithçka nisi në rrjetet sociale, ku komentet u shtuan me shpejtësi Ditën e sotme.

Pjesa më e madhe e reagimeve shpreh pakënaqësi për pamjen që mori figura e aktorit të madh. Shumë përdorues e cilësojnë si "shkatërrim të figurës së tij". Disa shkojnë edhe më tej: e krahasojnë rastin me atë të bustit të Çerçiz Topullit në Gjirokastër, ngjarë vetëm disa javë më parë.

Autori i skulpturës është Sadik Spahija, profesor skulpture dhe dekan i Universitetit të Arteve të Bukura. Ai nuk e shikon veprën si problem. Përkundrazi, e quan "krenari" të vetën.

I ftuar në emisionin "Ftesë në 5" me Bieta Sulon, Spahija u shpreh se publiku nuk e ka njohur Aleksandër Moisiun për së gjalli.

"Jam krenar për këtë vepër! Njerëzit nuk e kanë njohur Aleksandër Moisiun për së gjalli. Kam dalë nga klishetë e një figure qe njihet nga fotografia… Kam ftuar spektatorin në një dinamik mendimi…Secili mund të mendojë ç'të dojë", tha Sadik Spahija.