Britania paralajmëron sanksione të reja të fuqishme ndaj Rusisë

Londra ka paralajmëruar një paketë të re sanksionesh ndaj Rusisë. Lajmi u bë i ditur nga sekretari i Jashtëm britanik, Ed Miliband, i cili siguroi se mbështetja për Ukrainën do të vazhdojë pa afat.

Sipas tij, masat e reja godasin drejtpërdrejt mekanizmin që ushqen luftën e Kremlinit.

“Sot po njoftojmë sanksione të reja ndaj makinerisë së luftës së Putinit, flotës së fshehtë, kompanive të naftës, kriptomonedhave dhe financimit të luftës”, tha Miliband.

Shefi i diplomacisë britanike theksoi se Mbretëria e Bashkuar do të mbetet krah Ukrainës në luftën kundër Rusisë, me një angazhim të pandërprerë.

“Ne jemi vëllezërit dhe motrat tuaja në këtë konflikt. Dhe do të jemi me ju për aq kohë sa të jetë e nevojshme”, deklaroi ai.

Vetëm për ndihmën ushtarake, qeveria britanike është zotuar të akordojë 3.5 miliardë euro çdo vit. Financimi do të vijojë deri në periudhën 2030-2031.

Ndërkohë, në kuadër të Operation Interflex janë trajnuar mbi 63 mijë ushtarakë ukrainas. Për vitin 2026, Londra ka premtuar gjithashtu dërgimin e 150 mijë dronëve dhe 350 raketave të mbrojtjes ajrore.