Britania paralajmëron për kërcënimin rus, Lavrov thotë se lufta do të përshkallëzohet në Ukrainë

Britania paralajmëron për skenarët më të këqij, Lavrov thotë se lufta në Ukrainë do të përshkallëzohet.

Sekretari britanik i Mbrojtjes, Wes Streeting, ka paralajmëruar se NATO-ja duhet të jetë e përgatitur për skenarët më të këqij, duke theksuar se Aleanca nuk synon luftë me Rusinë.

Gjatë një takimi në Varshavë, Streeting nënvizoi se NATO-ja është një aleancë thjesht mbrojtëse, por paralajmëroi se deklaratat e presidentit rus, Vladimir Putin, duhen parë me kujdes.

“Kur Putini jep garanci se nuk ka synime për të provokuar një luftë me NATO-n, na kujtohen deklaratat e tij për Ukrainën, të bëra vetëm pak ditë para pushtimit”, deklaroi Streeting.

Ndërkohë, ministri i Jashtëm rus, Sergei Lavrov, ka thënë se lufta në Ukrainë do të vazhdojë, duke vlerësuar se konflikti po shfaq shenja të përshkallëzimit.

“Lufta në Ukrainë do të vazhdojë. Madje, do të thosha se ajo po shfaq një tendencë drejt përshkallëzimit”, u shpreh Lavrov.

Deklaratat e dy zyrtarëve vijnë në një kohë tensionesh të vazhdueshme mes Rusisë dhe vendeve të NATO-s, ndërsa perspektiva për përfundimin e luftës në Ukrainë mbetet e pasigurt. /ABC24.AL/