Braçe zbulon debatet në mbledhje?! Deputeti i PS: M’u tha “do protagonizëm individual”…

Deputeti socialist Erion Braçe ka komentuar mbrëmjen e sotme debatin për Reformën Territoriale. Ai ishte i ftuar në emisionin "Now me Erla Mëhillin". Intervistën e zhvilloi gazetarja e Euronews Albania, Eksiola Shehu.

Gjatë bisedës ai zbuloi një moment nga mbledhja e mëngjesit. Sipas tij, në takimin e grupit parlamentar socialist iu drejtua një koment kritik. I thanë se po kërkon protagonizëm individual. Kjo për shkak të qëndrimeve kritike që ka mbajtur.

I pyetur se kush ia tha këto fjalë, Braçe nuk dha emër. Gazetarja e pyeti drejtpërdrejt nëse autori ishte kryeministri Edi Rama. Ai zgjodhi të mos përgjigjet konkretisht.

Braçe u shpreh: "Po mundohesha të kujtoja atë që m’u tha mua sot në mëngjes në mbledhjen e Grupit Parlamentar të PS-së e që m’u tha: ti do protagonizëm individual. Ndërkohë që unë po pres përgjigje akoma për gjëra, të cilat m’u tha ke të drejtë. Se në këtë pikë kemi ardhur, që ti ke të drejtë, po kërkon protagonizëm."

Gazetarja e pyeti: "Kryeministri ishte?"

Ai u përgjigj: "Këto fjalë i dëgjoj për kuriozitet."