Betejë me flakët gjatë gjithë natës, vihen nën kontroll vatrat e zjarrit në Peqin! Aksion nga ajri e toka, u rrezikuan edhe banesat!

Flakët në Peqin vihen në kontroll pas natës së gjatë! Operacion nga toka dhe ajri shpëtoi banesat

Mëngjesi e gjeti Peqinin më të qetë, pas orëve të gjata të luftës me zjarrin në zonë.

Qetësia u kthye me agim.

Dhjetëra efektivë zjarrfikës dhe ushtarakë punuan pa pushim gjatë natës për të frenuar flakët.

Mjetet ajrore ndërhynë sërish sot në mëngjes, duke zbutur intensitetin e flakëve dhe duke larguar rrezikun.

Fokusi kryesor ishte mbrojtja e banesave.

Zjarrfikësit ngritën një kordon sigurie rreth zonës së rrezikuar për të ndaluar përhapjen e mëtejshme të zjarrit.