ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
Kreu i Partisë Demokratike, Sali Berisha, ka akuzuar qeverinë se ka hartuar buxhetin dhe paketën fiskale në kundërshtim me ligjin

Sali Berisha, kreu i Partisë Demokratike, akuzon qeverinë: ka hartuar buxhetin dhe paketën fiskale pa qëllim ligjor, jo pa konsultim publik.
Në mbledhjen e grupit parlamentar demokrat, Berisha quajt buxetin produkt i një “narkoshteti”. Cenon sigurinë juridike të qytetarëve dhe të bizneseve. Sipas tij, buxheti s’u konsultua me grupet e interesit: Dhoma Amerikane, Dhoma Gjermane e Tregtisë, si edhe shoqatat e biznesit. Kanë kundërshtuar paketën fiskale.
Ai thotë se kërkon mbështetje për protestën më 28 Nëntor, në Ditën e Pavarësisë. Apeloi bizneset për t’i bashkuar për rrëzimin e qeverisë.
“Ky buxhet paraqitet në Kuvend në mënyrë më tipike si buxhet i një narkoshteti. Si buxheti i hartuar nga një organizatë kriminale në të cilën shtylla kryesore e të ardhurave bazohet në një paketë fiskale, paketë që shkel të gjitha ligjet bazë të këtë vendi, Kushtetutën e Shqipërisë dhe sigurinë juridike që ajo garanton për qytetarët shqiptarë, për bizneset dhe për çdo gjë tjetër në këtë vend. Ky buxhet, në kundërshtim me përcaktimet e qarta ligjore, ka shkelur çdo lloj afati të parashikuar për konsultime publike. Është përgatitur në fshehtësinë më të madhe sikur të ishte dokumenti më sekret i shtetit, jo dokumenti me implikacione direkte, implikacione të mëdha në xhepat e të gjithë qytetarëve shqiptarë. Me implikacione të mëdha në të gjitha kontratat ekzistuese sot në këtë vend. Në të gjitha plan bizneset, parashikimet. Pra, paketë që de facto përmbys situatën edhe aktualisht shumë të disfavorshme. Me shumë të drejtë dhomat e tregtisë, Dhoma Amerikane, Dhoma Gjermane dhe të gjithë shoqatat përfaqësuese të interesave të bizneseve kanë protestuar, kanë hedhur poshtë këtë paketë, në të cilën Padrinoja i vë para faktit të kryer. Asnjë konsultim siç parashikon ligji. Detyrim ligjor. Pra injorim total i qytetarëve, injorim total i biznesmenëve dhe vendosje e një pakete nga e cila përfiton një grusht njerëzish dhe ndëshkohen në një mënyrë apo në një tjetër qytetarët shqiptarë dhe bizneset shqiptare”, tha kreu i PD mes të tjerash në fjalën e tij.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.