Atentati në Sarandë, Skënder Hita mbledh urgjentisht drejtuesit vendorë të Policisë

Drejtori i Përgjithshëm i Policisë së Shtetit, Skënder Hita, ka mbërritur në Sarandë për të zhvilluar një takim urgjent me drejtuesit vendorë të forcës blu. Mbledhja vjen si reagim i menjëhershëm ndaj atentatit që tronditi sot qytetin bregdetar.

Artan Myrtaj, 44 vjeç, u ekzekutua nga dy persona që lëviznin me motor në një sulm me armë zjarri. Breshëria e plumbave pati edhe një tjetër viktimë. Xhevdet Skëndaj, 73 vjeç, u plagos në shpinë teksa po kalonte rrugën dhe ndodhej në vendin e gabuar në momentin e ngjarjes.

Takimi i urgjentës i drejtuesit të lartë të Policisë me strukturat lokale në Sarandë lidhet gjithashtu me valën e ngjarjeve kriminale që ka mbështjellë qytetin gjatë muajve të fundit. Situata ka nxitur reagimin e menjëhershëm të drejtimit qendror të Policisë për të vlerësuar masat e nevojshme.