‘Arsyet kanë tejkaluar ligjin’- Gjykata e Lartë e la Veliajn në qeli, avokati Ndreca: Po cenohet mandati i të zgjedhurit, s’po lejohet të ushtrojë detyrën

Gjykata e Lartë vendosi lënien në burg të kryebashkiakut të Tiranës, Erion Veliaj, duke refuzuar kërkesën për lirimin e tij. Ky vendim erdhi edhe pse Gjykata Kushtetuese kishte kërkuar argumentime mbi proporcionalitetin e masës "arrest me burg" në raport me detyrën e kryetarit të zgjedhur.

Avokati Plarent Ndreca, mbrojtës i Veliajt, kritikoi ashpër këtë akt gjyqësor gjatë një paraqitjeje në emisionin "Opinion". Ai theksoi se arsyetimet e Gjykatës së Lartë shkojnë përtej kornizës ligjore. Sipas Nducës, e drejta e mandatit të Veliajt po cenohet pa baza të forta, teksa qytetarët e Tiranës u mohohet e drejta të qeverisjen nga përfaqësuesi i tyre i votuar.

"Procedura penale kërkon dyshime të arsyeshme dhe prova konkrete për masa të tilla të rënda si arresti me burg," shpjegoi avokati. "Gjykata nuk ka analizuar balancën midis rrezikut shoqëror dhe interesit publik. Interesi publik është i drejta e njerëzve për t'u qeverisur nga ai që votuan," shtoi ai.

Ndreca vijoi duke nënvizuar se hetimi ka përfunduar para një viti, duke hequr çdo pretendim për rrezik të provave. "Një anëtar i Gjykatës Kushtetuese ka deklaruar se nuk ka prova. Përtej kësaj, Kushtetuesja i ka treguar Gjykatës së Lartë vlerën demokratike të mandatit vendor. Prandaj, këto arsye tejkalojnë ligjin," përfundoi ai.

Kryebashkiaku Veliaj ndodhet në qeli që nga data 10 shkurt 2025. Ndaj tij, Prokuroria e Posaçme ka ngritur 13 akuza, përfshirë korrupsion pasiv, pastrim parash, mosdeklarim pasurie, shpërdorim detyre dhe futje sendesh në burg. Veliaj i ka mohuar të gjitha këto akuza.