Aktori Jack Nicholson tërhiqet përfundimisht nga jeta publike, miqtë shprehin shqetësimin: Ka frikë se do të vdesë i vetmuar!

**Jack Nicholson u tërhoq nga publiki: miqtë e tij shqetësohen se do të vdesë i vetmuar**

Prej vitesh legjenda e Hollywood-it Jack Nicholson jeton larg vëmendjes publike, ndërsa miqtë e tij dhe fansat pyesin se si po kalon vitet e fundit.

Ylli i "The Shining" ka mbushur 89 vjeç dhe nuk shfaqet më në intervista apo ngjarje publike. Sipas të dhënave, kohën e tij e kalon kryesisht në shtëpinë e Beverly Hills-it.

Karriera e tij zgjat më shumë se pesë dekada. Me mbi 70 filma dhe 12 nominime për Oscar, Nicholson konsiderohet një nga figurat më të njohura të kinemasë botërore. Por kohët e fundit ai është parë rrallë dhe nuk ka marrë pjesë në asnjë projekt të ri.

Shpresat për një rikthim u shuan pas fjalëve të mikut të tij, aktorit Michael Douglas. Ai u shpreh se Nicholson nuk ka për të punuar më si aktor. "Ai nuk po punon më. Është mirë. Ka ikur. E di këtë", tha Douglas, duke kuptuar se miku i tij e ka mbyllur kapitullin e karrierës.

Nicholson nuk e ka shpallur zyrtarisht largimin nga publiki, por mungesa e tij e gjatë ka lindur spekulime. Media e huaj raporton se miqtë e vjetër të aktorit e kanë frikën se ai po izolohet më shumë çdo ditë. "Ai e ka bërë të qartë se shtëpia e tij është kështjella e tij. Por njerëzit thjesht do të donin që ai të dilte nga shtëpia dhe të vinte për t'i përshëndetur, ose të paktën t'i siguronte se është mirë", citohet të ketë thënë një burim për RadarOnline.

Kërkuesit e mediave kanë ngritur edhe dyshime për shëndetin e tij, por asnjë konfirmim publik nuk i vërteton këto pretendime. Nicholson shfaqet herë pas here në ndeshje basketbolli, sidomos te ekipi i tij i dashur, Los Angeles Lakers.

Ndër daljet e rralla të tij ishte pjesëmarrja te specialja e 50-vjetorit të emisionit "Saturday Night Live", në vitin 2025, një moment që irhoqi vëmendjen e fansave.

Jeta e tij private ka qenë aq e veçantë sa edhe filmografia. Nicholson u rrit nga gjyshërit, të cilët e lanë për vite të tëra të besonte se nëna e tij biologjike ishte motra e tij. E vërteta doli në dritë në 1974-n, kur revista Time botoi një artikull mbi familjen e tij. Nëna e tij, June Frances Nicholson, e lindi atë në moshën 18-vjeçare, ndërsa prindërit e saj e morën përsipër ta rrisnin fëmijën duke e mbajtur të fshehtë lidhjen e vërtetë.

Filmi i vitit 2010 "How Do You Know" mbetet ndër projektet e tij të fundit në kinema. Një rikthim i mundshëm në 2017-n, te ribërja e komedisë gjermane "Toni Erdmann", nuk ndodhi kurrë, sepse aktori u tërhoq nga projekti.

Edhe pa qenë në ekran, emri i Nicholson lidhet me disa nga rolet më të paharrueshme të Hollywood-it. Ndërsa miqtë e tij dëshirojnë ta shohin më shpesh, aktori duket se ka zgjedhur privatësinë në vitet e fundit të jetës.

Fotografia e tij e fundit që u publikua doli në janar të 2025-n. Vajza e tij, Lorraine Nicholson, ndau një imazh ku shfaqej duke e përqafuar të atin. Fansat e pritën me interes të madh, pasi prej kohësh kishin pak mundësi ta shihnin legjendën e kinemasë.