ABC24.al është gazeta dixhitale shqiptare që ofron lajme të besueshme, analiza të thelluara dhe reportazhe ekskluzive 24 orë në ditë.
U zhvillua sot në Gjykatën e Durrësit seanca e radhës për aksidentin tragjik të 3 majit 2026, në zonën e

U zhvillua sot në Gjykatën e Durrësit seanca e radhës për aksidentin tragjik të 3 majit 2026, në zonën e ish-Kënetës, ku humbën jetën dy të mitur dhe u plagos një i tretë.
Gjykata vendosi të dërgojë për gjykim drejtuesin e automjetit, Nikollë Radaçi, nën akuzën e shkeljes së rregullave të qarkullimit rrugor me pasojë vdekjen e dy fëmijëve.
Gjatë seancës, gjykata refuzoi kërkesën e Radaçit për gjykim të shkurtuar.
Një nga zhvillimet më të rëndësishme është shpallja si të papërdorshme e dy provave: procesverbalit të marrjes së mostrës së gjakut të drejtuesit të automjetit dhe aktit të ekspertimit toksikologjik. Kjo do të thotë se këto dokumente nuk do të mund të përdoren si prova gjatë gjykimit.
Ndërkohë, gjykata vendosi pushimin e hetimeve për akuzën tjetër, atë të drejtimit të automjetit në mënyrë të parregullt, pasi kjo vepër penale përfshihet në ligjin e amnistisë.
Me vendimin e sotëm, çështja kalon për gjykim në themel, ku do të shqyrtohet përgjegjësia penale e Nikollë Radaçit për aksidentin që u mori jetën dy të miturve.
Shkruar nga
Redaksia ABC24
Artikujt e firmosur "Redaksia ABC24" përgatiten nga desku qendror i lajmeve — ekipi që mbulon lajmet 24 orë në 7 ditë. Sinjalet e lexuesve, lajmet e minutës së fundit dhe kërkesat për korrigjim kalojnë të gjitha nga kjo tryezë redaksie, ku çdo tekst rishikohet kolektivisht para publikimit.
Diskutimi
Komentet miratohen nga redaksia para se të shfaqen.