Aksident në qendër të Tiranës: Përplasen dy makina tek “9-katëshet”, plagoset drejtuesi i taksisë

Një aksident rrugor me përplasje të dy automjeteve është regjistruar mbrëmjen e kësaj dite në qendër të Tiranës, në zonën e njohur si "9-katësheve". Njëri nga automjetet e përfshirë në ngjarje është taksi, ndërsa përplasja ka pasur intensitet të lartë, duke shkaktuar dëmtime të konsiderueshme materiale për të dyja makinat.

Sipas informacioneve paraprake nga vendngjarja, drejtuesi i mjetit taksi është plagosur gjatë përplasjes dhe është transportuar menjëherë me ambulancë drejt spitalit për të marrë ndihmën e nevojshme mjekësore.

Deri në këtë çast, Policia e Shtetit nuk ka dhënë ndonjë reagim zyrtar lidhur me dinamikën e ngjarjes. Shkaqet e aksidentit dhe pyetja nëse ka persona të tjerë të lënduar mbeten ende të paqarta.

Në vendngjarje gjendet aktualisht grupi hetimor, i cili po punon për të zbardhur të gjitha rrethanat e kësaj aksidenti rrugor.