Aksident i rëndë në Selenicë, makina del nga rruga dhe bie nga një lartësi e madhe, humb jetën shoferi!

Një aksident me pasojë vdekjen ka ndodhur në fshatin Mazhar të Sevasterit, në Bashkinë e Selenicës. Mjeti ka dalë jashtë kontrollit, ka prerë rrugën dhe është rrëzuar nga një lartësi e madhe duke përfunduar në një urë.

Për fat të keq, drejtuesi i tij, një banor i zonës, nuk arriti t'i mbijetojë plagëve të marra. Në vendin ku ndodhi tragjedia shkuan menjëherë ekipet e emergjencës dhe policia.

Hetuesit po punojnë për të përcaktuar shkaqet e plota të kësaj tragjedie rrugore. ende nuk dihet se çfarë e shkaktoi daljen nga rruga të mjetit.