Agjencia hapësinore amerikan e njohur si NASA, ka publikuar fotografitë e pasojave të zjarrit që prej ditësh po bën ‘kërdinë’ nëpër Kaliforni.
Deri më tani janë shuar 72 zjarre, të cilat kanë shkatërruar 31.160 hektarë pyje dhe 35 ndërtesa në veri të Kalifornisë.
Si pasojë e zjarreve janë evakuuar qindra mijëra banorë, kurse një pjesë e tyre tashmë janë rikthyer nëpër shtëpi edhe pse autoritetet lokale ua kanë bërë me dije se rreziku vazhdon të jetë prezent.
Por zgjerimit të zjarrit i kanë prirë erërat e forta që kanë fryrë përreth Los Angelesit, që më pas është zgjeruar nëpër tërë Kaliforninë.
