Zaimina flet për herë të parë për fejesën dhe historinë e saj të dashurisë

Pasditen e sotme Zaimina Vasjari ka qenë e ftuar në emisionin “Rudina”.

Këngëtarja ka treguar për bizneset e saj si dhe për sa i përket projekteve muzikore. Por përveç kësaj ajo ka kujtuar edhe momente nga udhëtimi në Maldive, me partnerin e saj.

Këngëtarja seksi ka pranuar se udhëtimi në Maldive ka qenë një surprizë për Shën Valentin nga partneri i saj me të cilin është në një lidhje prej 12 vitesh. Zai ka rrëfyer se para këtij udhëtimi kishte patur edhe një krizë mes tyre dhe ky udhëtim shërbeu si një ribashkim.

Për herë të parë ajo ka treguar edhe për momentin e tyre romantik të propozimit.

“Pasi mbaruam mëngjesin, poshtë pecetës ishte një unazë, që nuk e kisha parë. U emocionova shumë sepse nuk e prisja. E dija që udhëtimi do të ishte romantik për shkak edhe të Shën Valentinit, por që do të merrja një unazë fejese kurrsesi. Tani i kemi bërë muhabetet shumë familjare dhe jemi shumë të lumtur bashkë.”- ka thënë këngëtarja.

Moderatorja Rudina Magjistari e ka pyetur Zaimina edhe për momentin e tyre të njohjes dhe ajo ka thënë se, është njohur me të gjatë kohës kur ai ngacmonte shoqen e saj. Por më pas i kishte thënë këngëtares, “Të dua ty jo atë”…

E pyetur nëse do të ketë një martesë së shpejti, Zai ka thënë se gjërat janë drejt asaj rruge por atyre iu pëlqejnë më shumë gjërat e paplanifikuara, njëlloj si momenti romantik në Maldive.

Kontrolloni gjithashtu

Kim për ish të dashurin e motrës: Nuk është person i keq!

Ylli i njohur televiziv, Kim Kardashian–West, sic duket ka përcjellë me vëmendje procesin e ndarjes …

Leave a Reply

Your email address will not be published. Required fields are marked *