Të jesh gjyqtar i futbollit apo i çdo disipline sportive në Kosovë në vitet e 90-ta, ka qenë sikur të jesh në vijën e parë të frontit ushtarak.
Sportistët shqiptarë të Kosovës zhvilluan aktivitetet sportive në fusha dhe salla të improvizuara në vitet e 90-ta (1991-1999), pasi që pushtuesi serb uzurpoi stadiumet dhe palestrat sportive.
Xhafer Zeqiri, i takon Gjeneratës së Republikës. Ai ishte ndër gjyqtarët më të mirë të futbollit.
Zeqiri, asnjëherë nuk u tremb nga pushtuesi serb por kreu misionin e tij të shenjtë ashtu si i ka hije, duke nda drejtësinë në fushat e futbollit në kuadër të garave të Republikës së Kosovës. Zeqiri me një armatë sportistësh iu kundërvunë agresorit serb dhe mbajtën gjallë sportin.
