Vjedhja e postës në Kamzë, policia identifikon dhe arreston një nga të dyshuarit

0
Vjedhja e postës në Kamzë, policia identifikon dhe arreston një nga të dyshuarit
Gjigandi

Policia e Shtetit ka njoftuar sot se ka arritur të identifikoj dhe arrestoj njërin nga autorët që dyshohet se ka vjedhur filialin e Postës Shqiptare në Kamzë një ditë më parë.

Sipas policisë, shtetasi A. K., 20 vjeç, banues në Kamzë dyshohet se ka vjedhur një shumë parash nën kërcënimin e një arme.

Policia ka shtuar se gjithashtu u shpall në kërkim bashkautori tjetër, shtetasi E. S., 30 vjeç, banues në Kamzë, i dënuar më parë për vjedhje.

“Gjatë veprimeve hetimore ka rezultuar se këta shtetas, më datë 18.04.2022, rreth orës 14:20, nën kërcënimin e një arme, kanë marrë një shumë parash në filialin e postës Shqiptare në Kamzë dhe janë larguar”, ka njoftuar policia.

Në cilësinë e provës materiale janë sekuestruar një aparat celular dhe veshje, të cilat autorët dyshohet se i kanë përdorur gjatë kryerjes së krimit.

RonaTyra

Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.

/abc24.al/

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu