Modelja e njohur, Adrola Dushi, gjatë ditës së sotme (e diel) feston ditëlindjen e saj.
Ajo është bërë tejet e njohur që nga viti 2012, ku u kurorëzua si ‘Miss Universe Albania’, e më pas sukseset për të nuk ndaluan.
Kjo ka bërë që përmes profesionit të ketë shoqëri të shumtë edhe me artistë të njohur të estradës shqiptare.
Tayna është njëra prej tyre që përmes një postimi në rrjetin social Instagram, ka uruar ditëlindjen e modeles në mënyrë mjaft të veçantë.
“Urime ditëlindjen e shpirt i bukur Adrola Dushi. Të uroj të gjitha të mirat e dashurinë e të gjithë botës sepse e meriton”, ka shkruar ajo në mbishkrimin e videos.
Kujtojmë se Adrola për shkak të bukurisë dhe linjave trupore ka arritur të jetë pjesë e brendit të makijazhit ‘Mac’.
