Artistja e njohur shqiptare, Tayna, aktualisht është duke e shijuar suksesin e projektit të saj më të ri “Sicko”, të cilin e lansoi javë më parë dhe në platformën YouTube ka kaluar shifrën e gjashtë milionë klikimeve.
Krahas të qenit artiste shumë e suksesshme në karrierën e saj, reperja nga Prizreni është mjaft e ndjekur edhe në rrjetet sociale dhe në atë Instagram numëron 1.1 milion njerëz.
Në këtë të fundit, ajo hodhi një fotografi mjaft atraktive, derisa vë në pah linjat trupore.
“Pak zgjatje”, ka shkruar pranë këtij imazhi artistja Shala, në të cilin për vetëm pak minuta pranoi komente të llojllojshme nga fansat e saj, duke mos munguar komplimentet për këtë dukje.
E veshur me një ‘bodysuit’ ngjyrë portokalli, e me stil të flokëve më të thjeshtë, Doruntina duket më e veçantë me pamjen e saj prej biondeje.
E njëjta dje konfirmoi për Telegrafin se po vjen me një projekt të ri dhe këtë herë ka bashkuar forcat me reperin ferizajas, Mozzik.
Ky duet mes tyre mezi po pritet nga fansat e dyshes, e që natyrisht se do jetë një super hit.
