Superliga e Kosovës sot (e diel) vazhdon me ndeshjet e xhiros së 25-të.
Sot në orar janë dy super ndeshje, të cilat luhen me fillim nga ora 17:00.
Në Therandë, skuadra e Ballkanit takohet me Trepçën ’89, në një ndeshje shumë të rëndësishme për të dy skuadrat.
Skuadra e Ismet Munishit do të kërkojë fitoren për të ruajtur hapin me Dritën dhe Prishtinën, që kanë marrë pikë të plota këtë xhiro.
Në anën tjetër, fitorja e Flamurtarit te Drencia, i ka vështirësuar punët për Trepçën ’89, që gara për mbijetesë i bëhet edhe më e ashpër.
Ndeshje e mirë do të jetë edhe ajo mes Feronikelit edhe Llapit, që luhet në stadiumin ‘Rexhep Rexhepi’ në Drenas.
