Sot Fitër Bajrami/ Si u fal Namazi në qytetet e vendit

0
Gjigandi

Ditën e sotme, të gjithë myslimanët, në mbarë botën, festojnë Fitër Bajramin. Sipas besimit mysliman, kjo ditë, është ajo në të cilën Zoti shpërblen besimtarët për gjithë sakrificën e tyre gjatë muajit të Ramazanit. Ky shpërblim, vjen në formën e paqes shpirtërore dhe faljes së mëkateve.

Kjo është një nga festat më të rëndësishme në kalendarin mysliman.

Mijëra besimtarë shqiptarë kryen  sot faljen e namazit në orën 06:40 në “Sheshin Skënderbej”, Tiranë nën drejtimin e Kryetarit të KMSH, Bujar Spahiu.

Elbasan

Të shumtë ishin besimtarët të cilët kryen faljen e namazit në orën 06:40 në sheshin “Gensher ”, nën drejtimin e Myftiut Agim Duka. Ky i fundit përcolli për të pranishmit urimet dhe mesazhin  e kësaj dite gëzimi. Kremtimet e Fitër Bajramit u zhvendosën më pas në familje.

RonaTyra

Lezhë

Falja e namazit është kryer në orët e para të mëngjesit në xhaminë e qytetit, ndërsa gjatë paradites autoritetet lokale dhe përfaqësues politik zhvilluan vizita pranë myftinisë duke uruar festen e Fitër Bajramit.

Myftiu i Lezhës Sadedin Kotrri, në fjalën e tij tregoi rëndësinë e kësaj feste, duke kujtuar të gjithë ata që agjëruan për 30 ditë.

Vlorë

Në Vlorë, rreth orës 7 të mëngjesit besimtarët myslimanë kanë falur namazin në sheshin para xhamisë së Plumbit. Ceremonia e faljes është drejtuar nga kreu i myftinisë së Vlorës, Armand Asllani,i cili ka përcjellë mesazhin për më shumë  paqe dhe respekt ndaj njëri tjetrit. Sipas myftiut Asllani ,kjo festë simbolizon sakrificën ndaj Zotit, prandaj kërkohet më shumë dashuri midis njerëzve .

Korçë

Ceremonia ka nisur rreth orës 06:40 minuta në sheshin e xhamisë Iljaz Bej Mirahori. Pas faljes besimtarët uruan njëri-tjetrin për sa më shumë mbarësi, begati dhe shpresa në familjet e tyre.

Atmosfera e festes ndihej dhe ne Xhaminë “Ebu Beker” ne Pogradec, ku mijëra besimtare falen namazin e Bajramit!

Berat

Falja e namazit të Fitër Bajramit u krye në pedonalen e qytetit Beratit. Të pranishëm në falje ishin edhe pushtetar si dhe kryetari i qarkut e deputetë. Falja u drejtua nga hoxhë Ferbent Dura i cili uroi besimtarët mysliman për paqe dashuri mirësi.

Lushnjë

Besimtarët myslimanë në Lushnjë kanë falur namazin e Fitër Bajramit në sheshin kryesor të qytetit. Faljen e drejtoi imami i xhamisë Lushnje ndërsa pas faljes fjalën përshëndetëse e mbajti myftiu i Lushnjës Gramos Blliku.

Kukës

Ceremonia kryesor është mbajtur në Xhaminë e Madhe të Qytetit. Myftiu i Kukësit Islam Hoxha, pas faljes së namazit të Fiter Bajramit ka uruar besimtarët.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu