Një shpërthim me lëndë plasëse ka ndodhur jashtë rrethimit të një banese në Krujë, në orët e para të mëngjesit.
Si pasojë e shpërthimit policia njofton se ka vetëm dëme të vogla materiale ndërkohë që po punohet për zbardhjen e ngjarjes dhe identifikimin e kapjen e autorëve.
Krujë/Informacion paraprak
Më datë 15.07.2020, rreth orës 02:15, jashtë rrethimit të banesës së shtetasit E.K., 22 vjeç, në Fushë Krujë, ka shpërthyer një sasi lëndë plasëse, nga e cila ka vetëm dëme të vogla materiale.
Grupi hetimor po punon për zbardhjen e ngjarjes, identifikimin dhe kapjen e autorëve.
