Në qytetin e Pejës, të martën (17 maj) u kremtua Festa e Abetares.
Por, bashkë me bashkëmoshatarët e tyre nga komunat e tjera nuk ishin edhe dhjetë nxënës të pakicave, të cilët u ulën të ndarë nga pjesa tjetër.
Kjo ka ngjallë reagime të shumta dhe në mesin e tyre edhe të aktorit të njohur, Shkumbin Istrefi.
Foto: Shkumbin Istrefi/Facebook
Përmes një postimi në Facebook, Istrefi tha se është një turp i madh për shoqërinë tonë.
Tutje, aktori I njohur u shpreh se ky është një racizëm i pastër dhe duhet të kërkohet përgjegjësi për këtë.
Më poshtë postimi i plotë i Shkumbin Istrefit:
Kjo është turp i madh për shoqërinë tonë. Duhet te kërkohet përgjegjësi. Racizëm i pastër.
Pavarësisht që reagimet janë të shumta, këtyre fëmijëve do t’u mbetet në kujtim tërë jetën që kanë qenë prapa një rrjete që asocon në grila të shoqërisë sonë ndaj komunitetit RAE. Gëzimi i tyre prapa “grilave” shpon si thike në ndërgjegjen e kësaj shoqërie.
