Kompania amerikan Bell ka kryer fluturimin e parë me dronin transportues. Fluturakja pa pilot ka pasur mallra që peshonin 27,2 kilogramë, ka bërë të ditur zëdhënësi i kompanisë Felicia Vota.
Bëhet fjalë për fluturaken APT 70 që fluturoi në mënyrë vertikale, duke arritur shpejtësinë prej 61 nyje dhe arritur në destinacion në kohën e paraparë.
Zyrtarët e Bell kanë njoftuar se do të kryejnë një test tjetër me peshë prej 31,8 kilogramë gjatë javës së ardhshme. Në anën tjetër Vota ka thënë se APT 70 e vënë në funksion katër motorë elektrikë.
Demonstrimi i fluturimit është bërë si parapërgatitje për pjesëmarrje në panairin e fluturakeve pa pilot “TRUAS”, ku forcat detare të SHBA-ve po shqyrtojnë mundësinë e prodhimit të dronëve transportues që do të mund të dërgonin mallra dhe gjësende tjera ushtarëve amerikanë që janë nëpër misione jashtë vendit.
