Sermaxhaj: Në Kosovë shqyrtohet mundësia e rikthimit në fushat e futbollit

0
Gjigandi

Analisti i futbollit, Genc Sermaxhaj, tha se shkaku i pandemisë janë pezulluar kampionatet pothuajse në të gjitha shtetet e botës.  Sermaxhaj shprehet për gazetën kombëtare “Bota sot”, se edhe në Kosovë po shqyrtohet mundësia e rikthimit në fushat e futbollit.

“Çdo fillim e ka edhe fundin e vet, dhe besoj se muaji që po vjen është fundi i karantinës dhe rikthimi i jetës normale. Nëse jo i shume gjërave, i futbollit gjithsesi. 

Kështu kanë deklaruar shumë kampionate të fuqishme evropiane, dhe më shumë gjasë edhe në Kosovë shqyrtohet mundësia e rikthimit në fushat e futbollit, gjithmonë me kujdes dhe rregulla strikte për ta filluar e mbaruar një lojë. 

Për të mbaruar kampionatet deri me datat e caktuar nga UEFA, atëherë mesi i muajit maj është e mjaftueshme dhe besoj se deri në atëkohë do të merren masat e përgjithshme për një mbarëvajtje të kampionatit brenda rregullave të lejuara për t’u mbrojtur nga ndonjë prekje eventuale me virus”, tha Sermaxhaj për gazetën kombëtare “Bota sot”.  

Ish futbollisti i njohur i tha se po i mungon futbolli: “Shtatë javë u bënë që nga pezullimi i kampionatit dhe besoj që edhe pak na ka mbetur të shijojmë futbollin që aq shumë po na mungon”.

RonaTyra

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu