Sfidë me kthesa në rezultat është zhvilluar mes Sassuolos dhe kampionit në fuqi Juventusit, e cila përfundoi me rezultat 3:3. Takimi u zhvillua në “Mapei Stadium – Città del Tricolore”!
Juventusi hasi në rivalitet të madh të vendasve.
Juve udhëhoqi me 0:2, por vendasit përmbysin gjithçka, duke kaluar në epërsi me 3:2 dhe në fund sfida përfundoi baras (3:3).
Duhet veçuar golin e Danilos së Juventusit, i cili nga rreth 16 metra shënon gol të bukur për 0:1 pikërisht në minutën e 5-të.
Në minutën e 51-të, Berardi nga gjuajtja e lirë rreth 18 metra shënon eurogol, kur topi përfundoi në këndin e majtë të portës së portierit të Juves, Szczesny.
Për Sassuolon shënuan Gjuriçiç (29′), Berardi (51′) e Caputo (54′) dhe për Juventusin realizuan Danilo (5′), Higuain (12′) e Alex Sandro (64′). Juventusi kryeson tabelën me 77 pikë, ndërsa Sassuolo është në pozitën e tetë me 47 pikë.
