Qeveria britanike vendosi për rikthimin e futbollit, ku dha dritën jeshile për datën 1 qershor. Megjithatë ka disa opinione, ku disa janë kundër rifillimit.
Një deklaratë shokuese erdhi nga Danny Rose, i cili mendon se parësor është shëndeti.
”Qeveria vendosi për rikthimin e Premier League. Ajo do të rifillojë futbollin vetëm për të rritur moralin e popullit në këtë situatë të vështirë. Epo mua nuk më intereson fare për moralin e popullit”, deklaron mbrojtësi i Tottenham.
“Jeta e njerëzve është në rrezik. Nuk duhet të flitet për futboll, deri sa numri i personave që humbin jetën të bie masivisht”, mbyll anglezi. Britania e Madhe është vendi i dytë në Europë, pas Italisë për numrin më të madh të vdekjeve nga koronavirusi.
