Përbërësit:
220gr gjalpë në temperaturë ambjenti
350gr sheqer
4 vezë
450gr miell + pak sasi për formën dhe kuverturën
Lëkurën nga 4 portokalle
½ lugë të vogël sode buke
½ lugë të vogël pluhur për pjekje
½ lugë të vogël kripe
70gr lëng portokalli
200gr dhallë ose kos të holluar me ujë në temperaturë ambjenti
1 luge çaji vanilje
200gr kuverturë çokollate me mbi 65% kakao, të grirë
Për shurupin:
50gr sheqer
70gr lëng portokalli
Per çokollatën:
220gr çokollate kuverture
125gr qumesht
1 luge çaji kafe pluhur
Përgatitja:
Ndezim furrën në 170gradë, me ajrim.
Lyejmë një formë keku me gjalpë dhe e spërkasim me miell.
Rrahim në mikser gjalpin me sheqerin me shpejtësi mesatare në të larte, për 5 minuta në mënyrë që të fryhet.
Shtojmë lekurën e portokallit. Shtojmë vezet një nga një. Në një tas të madh përziejmë miellin, sodën, pluhurin pjekes, kripën. Në një tas tjetër përziejmë lëngun e portokallit, dhallën dhe vaniljen dhe e hedhim në mënyrë të alternuar me miellin, në mikserin ku kemi pjesën e lëngët, duke filluar dhe mbaruar me miellin.
Përziejmë me një luge miell kuverturen dhe e hedhim edhe atë në mikser. E kalojmë përbërjen në formën e kekut dhe pjekim për rreth 50-60 minuta. E heqim nga furra dhe e lëmë 10 minuta të ftohet.
Në një tenxhere mbi zjarr mesatar ngrohim lëngun e portokallit sa të shkrihet sheqeri dhe e hedhim të nxehtë te keku i vakët.
E lëmë kekun të ftohet krejtësisht.
Në një tas inoksi përziejmë kuverturen me qumeshtin dhe kafen mbi një tenxhere me ujë që vlon. Kur të shkrijë masa e hedhim sipër kekut./ Recetë gatimi nga Blerina Bombaj, dietologe
