Ylli i Chelsea-t, Willian, është refuzuar nga trajneri i Real Madrid, Zinedine Zidane.
Kontrata e brazilianit me londinezët skadon muajin e ardhshëm dhe për të interesohen shumë klube europiane.
Okdiario ka bërë të ditur se Willian i është ofruar Real-it, por përgjigja e madrilenëve ka qenë negative.
Mosha dhe stili i tij i lojës nuk përputhen me planet e Real Madrid. Zidane ka ide të tjera në lidhje me përforcimin e mesfushës për sezonin e ardhshëm.
Pas tërheqjes së Real Madrid, dy skuadrat favorite për të siguruar shërbimet e lojtarit janë rivalët londinezë të Chelsea-t, Arsenal dhe Tottenham.
