Rama paralajmëron vështirësi ekonomike si pasojë e luftës në Ukrainë

0
Rama paralajmëron vështirësi ekonomike si pasojë e luftës në Ukrainë
Gjigandi

Kryeministri i Shqipërisë, Edi Rama, njoftoi të martën për krijimin e një komiteti ndërministror për përballimin e pasojave të luftës në Ukrainë.

“Ne nuk jemi në kushtet e një kërcënimi ushtarak, por jemi si të gjitha vendet tjera të NATO-s. në kushtet e kërcënimit të përditshëm ekonomik”,

tha Rama, duke iu referuar rritjes së furishme të çmimeve të produkteve bazë.

Çmimet kanë qenë në rritje edhe më parë, si pasojë e pandemisë së koronavirusit, por kanë vazhduar të rriten edhe pas nisjes së pushtimit të Ukrainës nga Rusia, më 24 shkurt.

Lufta në Ukrainë ka rritur në veçanti çmimet e energjisë.

RonaTyra

Shqipëria, sikurse edhe vendet e tjera të Ballkanit dhe Evropës, tash e sa muaj përballet me krizë energjetike.

Duke e vlerësuar energjinë si

“palcën e shtyllës kurrizore të të gjithë sistemit ekonomik”

, Rama tha se kriza energjetike po thellohet

“jo çdo muaj, por çdo ditë”.

“Shqipëria është drejtpërdrejt e prekur si vendet e tjera

“, tha ai.

“Çmimi i naftës nuk varet nga Qeveria, nuk është Qeveria në tregun e lirë. që ngre çmime apo që ul çmime të mallrave të konsumit. Është tregu dhe tregu është super i ndjeshëm”,

shtoi Rama në konferencën për gazetarë.

Ai bëri thirrje për “përgatitje për çdo skenar” me komitetin e ri ndërministror, “përfshirë edhe situata shkurtimesh dramatike të furnizimeve me energji apo me naftë”.

Shqipëria është rreshtuar me shtetet e NATO-s në përkrahje të Ukrainës dhe ka vendosur sanksione ndaj Rusisë.

Për këtë qëndrim të Shqipërisë, presidenti i Ukrainës, Volodymyr Zelensky, e ka falënderuar Ramën gjatë një bisede telefonike në fundjavë.

Rusia, ndërkaq, e ka futur Shqipërinë në listën e “shteteve jomiqësore”./REL

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu