Presidenti i Malit, Ibrahim Boubacar Keita ka bërë thirrje që qytetarët të bashkohen prapa ushtrisë së vendit, pasi sulmi më i fundit vdekjeprurës i militantëve vrau më shumë se 40 ushtarë, raporton France24.
Presidenti ka deklaruar tre ditë zi pas sulmit të së Premtes në një bazë ushtarake në Indelimane, në verilindje të vendit afër kufirit me Nigerin.
“Në këto rrethana veçanërisht të rënda ku është në rrezik stabiliteti dhe ekzistenca e vendit tonë, përgjigja jonë e vetme duhet të jetë uniteti kombëtar, bashkimi i shenjtë rreth ushtrisë sonë kombëtare,” tha ai në një deklaratë të hënën mbrëma.
