Administratori i Prishtinës, delegat pranë Federatës së Futbollit të Kosovës, Bajram Sherifi, është arrestuar nga Policia e Kosovës pas ndeshjes.
Kështu të paktën raporton klubi prishtinas në faqen zyrtare, përcjellë Gazeta Olle. “Arrestohet administratori i FC Prishtina, delegat pran FFK-se, Bajram Sherifi, pas duelit verbal me drejtorin e FC Drita, Valon Murseli ndaj te cilit nuk u mor asnje mase”, bën të ditur Prishtina.
Plisat kanë reaguar pas humbjes së Prishtinës në Gjilan, në kryendeshjen e ditës.
Tifo-grupi bardhekaltër ka kërcënuar indirekt gjyqtarin Kreshnik Vula, duke ia bërë me dije që nuk do ta harrojnë atë që iu bëri sot, përcjellë Gazeta Olle.
“Fanella e Prishtinës mund të përlyhet me lot, por asnjëherë me turp.
Kreshnik Vula, Plisat nuk harrojnë!
Mundi i vjedhur i gjithë sezonit sot në Gjilan nuk është për tu harruar.
Djemtë e Dallkut, Luanat e Prishtinës. Kokën lart. PLISAT i keni prapa. Ne besojmë te ju”, shkruajnë Plisat.
Prishtina ka paralajmëruar tërheqjen nga garat pas humbjes sot në Gjilan.
“FC Prishtina me gjase, 99% do te terhiqet nga garat”, ka njoftuar klubi bardhekaltër.
“Shume futbolliste dhe trajnere jane te demtuar nga sulmi i policise, sidomos nga spreji i perdorur, por ka edhe lendime tjera, Boshnjaku ka prere doren edhe eshte derguan ne emergjence”, thuhet në njoftimin tjetër pas ndeshjes.
