Gjykata e Tiranës ka caktuar masën e sigurisë “arrest në burg” për Ajas Sulejmanin, shoferin e automjetit që aksidentoi tre anëtarët e një familjeje, të dielën në Tiranë.
Pas arrestimit, shoferi që aksidentoi një çift bashkëshortësh dhe foshnjën e tyre 3-muajsh, ka pretenduar se po ecte me 40 km në orë dhe se nuk i kanë mbajtur frenat.
Prokuroria e Tiranës i kërkoi gjykatës lënien e tij në burg për tri akuza penale, kërkesë që u pranua sot.
Në aksidentin e së dielës mbetën të plagosur dy bashkëshortët e familjes Konomi dhe foshnja e tyre 3-muajshe, të cilët po kalonin rrugën në vijat e bardha. Pasi përplasi tre familjarët duke u futur me të kuqe në semafor, Ajas Suljemani u largua nga vendi i ngjarjes dhe u arrestua disa orë më vonë në një spital privat. /A2 CNN/
