Dje ishte një ditë e veçantë për Manchester City dhe Sergio Agueron. Në fakt u festua 10-vjetori i golit të Kun-it ndaj QPR-së në minutën e 94-t, që solli titullin kampion të Anglisë pas 44 vitesh te “qytetarët”. Argjentinasi ishte i pranishëm dje në Manchester për inaugurimin e statujës së argjendtë, e cila e portretizon atë të gëzuar, përpara stadiumit “Etihad”.
Veç Agueros, i njëjti nderim iu rezervohet dy legjendave të tjera si Vincent Kompany e David Silva. Poza në riprodhimin e argjendtë është e njëjtë me atë pasdite të para dhjetë viteve më parë: kraharorin para, duke tundur fanellën e City.
Për Kun do të ishte i pari nga pesë kampionatet e fituara në “Etihad”, i cili gjithashtu mund të mburret me 3 “Community Shields”, një “FA Cup” dhe 6 Kupa të Ligës. Në total 15 tituj, që e bëjnë argjentinasin lojtarin më të suksesshëm në historinë e klubit. Ndër rekordet e tjera të arritura duhet përmendur ai i të qenit golashënuesi më i mirë i historisë së “qytetarëve” me 260 gola të shënuar.
Sergio, Sergio! 🎶#ManCity pic.twitter.com/uczjAEw8NP
– Manchester City (@ManCity) May 13, 2022
Aguero apo Kroos? Në rrjetet sociale shpërtheu ironia. Sapo u bënë publike pamjet e veprës artistike për Kun, komentet dhe komplimentet në rrjet u shumuan në mënyrë dramatike. Por jo vetëm. Mes përdoruesve të ndryshëm ka edhe nga ata që kanë vënë në dukje diçka shumë të veçantë, apo një ngjashmëri të statujës me.
Toni Kroos. Po, sepse për shumë tifozë, fytyra e përfaqësuar në statujë nuk do të ishte e ngjashme me atë të Agueros, por me atë të mesfushorit gjerman të Real Madridit.
Edhe personi në fjalë i ka hedhur “benzinë zjarrit” duke komentuar këto thashetheme dhe duke iu referuar një postimi të veçantë në Twitter, ku shkruhej: “Kjo është statuja e Sergio Agueros”. Kroos, me ironi të madhe, u përgjigj: “A je i sigurt?”
Sure? https://t.co/m7M0Owc9q9
– Toni Kroos (@ToniKroos) May 13, 2022
