Tri pikë që nuk maten as me ari! Tri pikë domethënëse dhe në kohën e duhur për skuadrën e Sandhausenit.
Mbrojtësi i kombëtares së Kosovës, Leart Paçarada, është paraqitur si zakonisht titullar, tregoi angazhim të madh dhe me Sandhausenin ia dolën të importojnë tri pikë të mëdha, duke i shkaktuar humbje me rezultat 1:0 Wehenut, rivalit direkt për mbijetesë në Bundesliga II.
Learti, është djali i Shukriut, ish portierit të mirënjohur të gjeneratës së artë të klubit të futbollit Prishtina.
Learti me shokë importon tri pikë të mëdha, që i japin qetësi në vazhdim të kampionati. Është gëzimi i parë në kohë të pandemisë!
Në minutën e 45+1, Dennis Diekmeier shënon për fitoren e Sandhasenit.
Paçarada bëri lojë shumë të mirë, duke i dhënë siguri të plotë skuadrës së tij.
Pas javës së 28-të, Sandhausen renditet në vend të 13-të me 33 pikë dhe Wehen është në pozitën e 17-të me 28 sosh.
