Aktori më i preferuar i momentit, Joaquin Phoenix, është në rrugë të mbarë drejt një cmimi Oskar për interpretimin e jashtëzakonshëm që i ka bërë personazhit të Jokerit, në filmin me të njëjtin emër, i cili ka bërë bujë në mbarë botën.
Por një pjesë e këtij suksesi I detyrohet një kolegeje, të cilën e njohu në sheshxhirim në vitin 2013, e që sot është e fejuara e tij.
Rooney Mara 34 vjeçe, vuri në gisht unazën e dhuruar nga Phoenix në 2016-tën.
Ata ishin njohur tre vjet përpara kësaj, kohë përgjatë së cilës kuptuan se janë bërë për njëri tjetrin, dhe shihen si një prej çifteve më interesantë në Hollivud.
Përkrah karrierës, ata I bashkon edhe dashuria për kafshët. Phoenix është vegjetarian prej shumë vitesh, dhe e fejuara e tij ka hequr dhe ajo së fundi dorë nga ushqimet me bazë mishin, qumështin e vezët.
