Njerëzit mund të jenë imun vetëm gjashtë muaj pas shërimit nga koronavirusi

0
Gjigandi

Autoriteti i lartë shëndetësor i Suedisë thotë se njerëzit që kanë pasur coronavirusin ka të ngjarë të jenë imunë të paktën gjashtë muaj pasi të infektohen, pavarësisht nëse ata kanë zhvilluar antitrupa apo jo.

Në udhëzimet e reja të botuara të martën, Agjensia Suedeze e Shëndetit Publik njofton se personat që tashmë janë shëruar prej COvid-19, nuk u ekspozohen njerëzve që janë të prekur prej coronavirusit, pasi që nuk ka raste që një person të riinfektohet.

“Ne nuk shohim raste kur njerëzit sëmuren dy herë nga Covid-19”, tha epidemiologu Anders Tegnell gjatë një konference për shtyp në Stokholm. “Prandaj, vlerësimi ynë është që nëse prekeni nga Covid-19, do të bëheni imun për një kohë edhe nëse nuk zhvilloni antitrupa”, shtoi ai.

Por agjensia gjithashtu tha që njerëzit që konsiderohen të imunizuar mund të veprojnë ende si bartës të virusit në shoqëri, dhe për këtë arsye duhet të vazhdojnë të respektojnë udhëzimet për distancim shoqëror dhe higjienën.

Reagimi i antitrupave ndaj Covid-19 është duke u studiuar nga afër në të gjithë botën për indikacionet se sa mund të zgjas imuniteti.

RonaTyra

Një studim i kohëve të fundit nga “King’s College London” tregoi se niveli i antitrupave mund të bjerë në një shkallë që i bën ata të padukshëm, menjëherë pas tre muajve nga infeksioni. Sidoqoftë, trupi krijon edhe forma të tjera të përgjigjeve ndaj imunitetit, duke përfshirë nga të ashtuquajturat T-qelizat, të cilat duket se luajnë një rol të rëndësishëm në mbrojtjen kundër rindërtimit me Covid-19, shkruan Bloomberg.

Hulumtimet nga Instituti Karolinska i Suedisë kanë treguar se rreth dy herë më shumë njerëz të infektuar nga Covid-19, kanë zhvilluar një imunitet të ndërmjetësuar nga qeliza T, sesa ata që kanë një nivel të detektueshëm të antitrupave.

Ndryshe, Suedia aktualisht ka një nga nivelet më të larta të vdekjeve në botë, sipas të dhënave të përpiluara nga Universiteti Johns Hopkins, ku deri më tani ka 78166 persona të infektuar dhe 5646 të vdekur. 

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu