Skuadra e Ballkanit në ndeshjet e fundit nuk ka pasur rezultat pozitiv, duke e humbur kështu pozitën e parë në Superligë.
E këtë gjë e ka komentuar trajneri i Ballkanit, Ismet Munishi në “RTV Dukagjini”, e ku ka thënë se nëse klubi i tij barazon atëherë e gjithë Kosova gëzohet.
“Një kohë Manchester United bënte kërrdi në Angli dhe kur humbiste Manchesteri gëzohej e gjithë Anglia. Kështu jemi bërë edhe ne në Kosovë, kur po barazojmë, e cila për ne është sikurse humbje po gëzohet e gjithë Kosova”, tha Munishi.
Skuadra e Ballkanit tani po mbanë pozitën e tretë në Superligë ku ka vetëm një pikë më pak se Prishtina dhe tri pikë më pak se Drita.
