Ndërsa drejtoresha e AKSHI-t, Mirlinda Karcanaj, i tregoi publikut se si bëhet aplikimi për dokumentet e pronësisë në Kadastër, në një moment, kryeministri Edi Rama i tërhoqi asaj vëmendjen,që të fshinte numrat e kartës që shfaqeshin ën dritare, në faqe.
“Mos ekspozo kartën sepse ta thajnë..ka shumë hakera në kompjuterin tim.
Nëse marrin numrat ata, arrijnë t’i shikojnë, fillojnë punën ata.” i tha kryeministri Karcanajt.
Ai nuk i kurseu batutat, ndërkohë që zyrtarja tregonte lehtësinë e kryerjes së procedurave.
“Me këtë risi online, ra edhe tempi i falsifikimeve të rruga e Kavajës”.
Në fund Rama tha se është një nga ëndrrat e tij që të vinte dita që dokumenti i pronësisë të merrej kaq thjeshtë.
