Mesazhi i dhimbshëm i infermieres: Çizmet më kullojnë djersë, më janë zbardhur flokët e më është rrudhosur fytyra
Ana Luca është një prej radhëve të bluzave të bardha, që po luftin koronavirusin, në “qendër të betejës” në Shqipëri.
Luca, kryeinfermierja e spitalit Infektiv e cila la me dëshirë postin si administratore e spitalit polivalent në QSUT, për të luftuar koronavirusin ka ndarë një video që tregon sakrificën e çdo dite.
Në videon e publikuar nga ajo në rrjete sociale Ana shihet teksa heq nga “koka te këmbët” kostumin mbrojtës, dorezat, çizmet e maskën, të vëna për t’u mbrojtur nga virusi.
Gjithashtu, duket se ajo kullon e gjitha në djersë, madje në fund kur heq çizmet dhe kur i kthen me kokë poshtë, prej tyre djersa derdhet “ujë”.
“Janë 5 muaj luftë…. më janë zbardhur flokët…..më është rrudhosur fytyra…”, shkruan Ana në postimin e saj.
Postimi i plotë i Ana Luca:
Jane 5 muaj lufte…. me jane zbardhur floket…..me eshte rrudhosur fytyra… Por nuk me ka ikur buzeqeshja …
Sepse ne jemi te gjithe bashke! ne jemi ne lufte me covid 19! Te heshtur e te perkushtuar!
Ne flasim me gjuhen e sherbimit mjekesor nga nje armate e tere personeli mjekesor!
“Por ata që shpresojnë te Zoti fitojnë forca të reja, ngrihen me krahë si shqiponja, vrapojnë pa u lodhur dhe ecin pa u lodhur.”
