Një dëshmi e re duket se konfirmon pretendimet se Meghan Markle ka pasur gjithmonë kërkesa mbi nivelin e saj dhe në kufirin e absurdit. Detajet i nxjerr një kameraman që ka punuar me të në sheshxhirimin e serialit televiziv, Suits, që e bëri të njohur. Ose pak a shumë të njohur, sepse famën e vërtetë, Meghan e mori vetëm pas lidhjes me Harry-n.
Nëpër botë, s`para e njihte njeri. Operatori, që nuk preferon ta nxjerrë emrin, thotë se 33 vjeçarja është sjellë përherë si ndonjë yll i madh, edhe kur nuk ishte tamam e tillë.
“Kur mbërrita në sheshxhirim na thanë, në asnjë mënyrë mos i merrni në plan këmbët poshtë”. Një teknik, thotë ai, me sa duket s`e kishte kuptuar, dhe e fokusoi telekamerën aty. E hoqën direkt, tregon kameramani. Meghani, që duket ka në shenjë, pasojë ndoshta e një ndërhyrjeje për të korrigjuar deformimin e kockës, e urren kur përqendrohen pamjet aty.
I njëjti person kishte qëlluar me të edhe në një projekt promocional të Suits e ishte shokuar nga sjellja e saj. “Sillej si karikatura e një ylli të vërtetë. Kishte ca pretendime të pajustifikuara prej dive: në sheshxhirim donte vetëm shampanjë të markave më të mira dhe disa lloje lulesh të shtrenjta. Çdo plan duhet të aprovohej prej saj dhe ndihmësve të vet”, shton ai.
