Ylli argjentinas Lionel Messi kishte pësuar një lëndim ditën e martë, duke u raportuar se mund të humbas ndeshjen e parë pas rifillimit të La Ligas kundër Mallorca.
Skuadra e Barcelonës përmes një njoftimi ka bërë të ditur se Messi ka pësuar një lëndim në këmbën e djathtë.
Por është duke u stërvitur në mënyrë specifike.
Nuk dihet nëse ai do të jetë në gjendje të luajë kundër Mallorca, por mediet në Spanjë kanë raportuar se gjashtë herë fituesi i “Topit të Artë” do të rikuperohet me kohë.
Lionel Messi është golashënuesi më i mirë i këtij sezoni në La Liga, me 19 gola të shënuara.
