Gjyqtari Daniele Doveri do të gjykojë finalen e Coppa Italia mes Napolit dhe Juventusit të mërkurën.
Kjo është hera e parë që Doveri do të referojë një finale të tillë.
42-vjeçari ka referuar 17 ndeshje këtë sezon, duke dhënë 63 kartonë të verdhë, dy të kuqtë dhe duke akorduar një penallti.
Ulur në kabinën e VAR do të jetë Massimiliano Irrati, kurse Gianpaolo Calvarese është gjyqtar i katërt.
Finalja e madhe e Kupës së Italisë do të luhet pasnesër me 17 qershor në stadiumin “Olimpico” të Romës, mes Juventusit dhe Napolit.
Juve eliminoi Milanin në gjysmëfinale – kurse Napoli mposhti Interin pas dy ndeshjeve.