“Kostot e ilaçeve dhe mjekimit 2-3 herë mbi pagën e qytetarëve”/ Fatmir Mediu në Njësinë 10: Situata rëndohet çdo ditë

0
5
Gjigandi

Kreu i Partisë Republikane Fatmir Mediu zhvilloi sot një takim me koordinatorë të Njësisë Nr.10 në Tiranë, nga ku deklaroi se opozita ka propozuar masat që duhen për të kontrolluar pandeminë ndërkohë që qeveria Rama shpërfill mendimin e specialistëve të opozitës, duke e përdorur pandeminë për luftë dhe interesa politike.

“Situata rëndohet çdo ditë, dhe sikur të mos mjaftojnë të gjitha këto, Rama me qeverinë e tij, vazhdon politikën antishqiptare, duke ju kundërvënë kërkesave të BE me justifikime absurde. Në këto kushte, opozita në rrugën e saj të ndryshimit, duhet të bashkojë shqiptarët kudo që ndodhen, me një program të qartë, duke filluar nga trajtimi dhe mbrojtja e interesit kombëtar, anëtarësimin e Shqipërisë në 4 vitet e ardhshme, vendosjen e shtetit kushtetues, luftën kundër krimit e korrupsionit dhe reformat e thella ekonomike, mbështetjen e biznesit dhe punësimit”, tha Mediu.

Deklarata e plotë

Situata e rëndë e pandemisë, kërkon transparencë dhe përgjegjësi.

Të gjithë ne, vlerësojmë në radhë të parë përkushtimin e mjekëve, dhe i kërkojmë qeverisë të mbrojë jetën e tyre, duke garantuar çdo gjë që është e nevojshme për ta.

Opozita ka propozuar masat që duhen, për të kontrolluar pandeminë, sipas rekomandimeve dhe praktikave më të mira Europiane, ndërkohë që qeveria Rama, jo vetëm shpërfill mendimin e specialistëve dhe opozitës, por për më tepër, e përdor këtë pandemi, për luftë dhe interesa politike.

Qindra qytetarë, janë në pamundësi për të marrë mbështetjen e nevojshme, janë në pamundësi për të përballuar kostot e ilaçeve dhe mjekimit për COVID-19, të cilat kalojnë mbi 2-3 herë pagën e tyre mujore.

Ekonomia dhe papunësia janë prezent në pjesën më të madhe dhe familjeve shqiptare, ndërsa taksat e shqiptarëve shpërdorohen për interesa korruptive.

Situata rëndohet çdo ditë, dhe sikur të mos mjaftojnë të gjitha këto, Rama me qeverinë e tij, vazhdon politikën antishqiptare, duke ju kundërvënë kërkesave të BE me justifikime absurde.

Në këto kushte, opozita në rrugën e saj të ndryshimit, duhet të bashkojë shqiptarët kudo që ndodhen, me një program të qartë, duke filluar nga trajtimi dhe mbrojtja e interesit kombëtar, anëtarësimin e Shqipërisë në 4 vitet e ardhshme, vendosjen e shtetit kushtetues, luftën kundër krimit e korrupsionit dhe reformat e thella ekonomike, mbështetjen e biznesit dhe punësimit.

Koordinatorët e PR në çdo qendër votimi, duhet të identifikojnë problemet, dhe të bashkohen me përfaqësuesit e tjerë të opozitës, në mbrojtje të zgjedhjeve të lira dhe të ndershme.

Njoftime falas, njoftime pune

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu