Kim Kardashian ka ndarë me ndjekësit disa imazhe në rrjete sociale, përmes së cilave tregoi se ka dekoruar disa pjata bashkë me fëmijët.
Ky veprim u bë për të mbështetur “Panera Bread” dhe “Feeding America”, ndërsa bëri thirrje që kushdo që mund të ndihmojë të dhurojë 3 dollarë për t’i ushqyer familjet në nevojë gjatë pandemisë.
Kim nominoi edhe nënën e saj dhe dy motrat, Kourtney dhe Kendall për të dekoruar edhe ato pjatat.
“Kam dekoruar disa pjata me fëmijët e mi në mbështetje të @panerabread dhe @feedingamerica. Për secilin që është në gjendje, ju lutemi shkoni te TogetherWithoutHunger.org dhe dhuroni 3 dollarë për të ushqyer familjet gjatë kësaj kohe. Unë nominoj @krisjenner @kourtneykardash @kendalljenner @foodgod @tracyromulus për të dekoruar një pjatë me mua!”, ka shkruar ajo.
Kim Kardashian ka ndihmuar edhe me kompaninë e saj, duke dhuruar një përqindje nga fitimet që bëjnë në shitje.
