Është folur shumë këtë vit për risitë që do të sjellë Festivali i Këngës në RTSH.
Një nga emrat që do të ngjitet në skenën e këtij Festivali është edhe Kastro Zizo, i cili njihet për karizmën dhe mënyrën e të shprehurit.
Në herën e tij të parë në festival Kastro ka vendosur të hapë zemrën me të gjithë, pasi kënga është një dedikim i mirëfilltë, sa i ndjerë, aq edhe i vërtetë për të ëmën e tij.
Duke mos u larguar nga stili pop/rock, Kastro Zizo do flasë për ndjesitë e tij pas humbjes së mamasë dy vite më parë dhe mungesën e ndjerë gjatë kësaj periudhe.
