Një aksident rrugor ka ndodhur këtë pasdite në fshatin Kafarj të Fierit.
Burime bëjnë me dije se një kamionçinë është përplasur me një automjet tip “Reno”, ku për pasojë janë plagosur katër persona.
Të plagosur kanë mbetur drejtuesit e mjeteve, Agron Janku i kamionçinës dhe Zija Bicarri i mjetit tip “Reno”, si dhe pasagjerët që ndodheshin në to.
Të plagosurit janë nisur me urgjencë drejt Spitalit të Fierit, ndërsa policia ndodhet në vendngjarje dhe po punon për të zbardhur shkaqet e aksidentit.
