Pas vdekjes së aktores, Ryan Dorsey ndau një mesazh për ish-gruan e tij dhe nënën e fëmijës së tij.
Bota është akoma duke mbajtur zi për humbjen e Naya Rivera.
Të hënën, 13 korrik, ylli i Glee u konfirmua e vdekur nga autoritetet. Lajmi tragjik erdhi pesë ditë pasi aktorja 33-vjeçare u zhduk në liqenin Piru në Kaliforni.
Pothuajse dy javë pas lajmit për vdekjen e Riveras, ish-burri i saj dhe babai i fëmijës së saj po thyenë heshtjen e tij. Ryan Dorsey shprehu dhimbjen e tij për tragjedinë dhe se si shpreson të mbajë gjallë kujtesën për këngëtaren.
“Kjo është aq e padrejtë … nuk ka fjalë të mjaftueshme për të shprehur vrimën e mbetur në zemrat e të gjithëve,” Ryan filloi mesazhin e tij në Instagram të Shtunën, 25 Korrik.
“Unë nuk mund të besoj se kjo është jeta tani. Nuk e di nëse do ta besoj ndonjëherë.
Ti sapo ishe këtu … Ne ishim duke notuar me Josey një ditë më parë. Jeta thjesht nuk është e drejtë.
Nuk e di se çfarë të them … Unë jam mirënjohës për kohërat tona dhe udhëtimin tonë që na bashkoi dhe na dha djalin e vogël më të dashurin dhe më të zgjuarin për të cilin mund të shpresonim ndonjëherë”.
