I shpallur në kërkim që në Shkurt, arrestohet i riu në Shkodër. Ja akuzat që rëndojnë mbi të

0
Gjigandi

Një 26-vjecar nga Shkodra ka rënë në pranga pasi u konfliktua me një 32-vjecar për motive të dobëta, qëlloi me armë në ajër dhe u largua nga vendi i ngjarjes. Ai ishte shpallur në kërkim që prej muajit Shkurt 2020.

Njoftimi i Policisë:

Qëlloi me armë zjarri në ajër gjatë një konflikti me një person tjetër dhe u largua, kapet dhe vihet në pranga 26-vjeçari i shpallur në kërkim në shkurt 2020.

Nga Seksioni për Hetimin e Krimeve në Komisariatin të Policisë Shkodër, pas informacioneve të marra në rrugë operative u bë kapja dhe ndalimi i shtetasit në kërkim G. U., 26 vjeç, banues në lagjen “Vojo Kushi”, Shkodër.

RonaTyra

Ndalimi i tij u bë pasi Gjykata e Shkallës së Parë Shkodër i ka caktuar masën e sigurisë “Arrest në burg”, si i dyshuar për veprat penale “Armëmbajtja pa leje” dhe “Plagosja e lehtë me dashje” e kryer ne bashkëpunim”.

Ky shtetas ishte shpallur në kërkim, pasi më datë 12.02.2020, në vendin e quajtur “Parrucë” në lagjen “Qemal Stafa”, Shkodër, duke udhëtuar me mjetin tip “Benz ML”, së bashku me një shtetas tjetër, janë konfliktuar për motive të dobëta me shtetasin T. A., 32 vjeç, banues në Shkodër, të cilin e kanë goditur me sende të forta duke i shkaktuar dëmtime të lehta, ndërsa shtetasi G. U. ka qëlluar me armë zjarri në ajër dhe më pas janë larguar.

Materialet iu referuan Prokurorisë së Rrethit Gjyqësor Shkodër, për veprime të mëtejshme.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu